Albisteak

Gipuzkoa Encounter topaketa teknologikoak oso nota ona lortu du 15. edizioan, pandemiak ezarritako mugak gaindituz

press@euskalencounter.org (infotres) — Sun, 21 Mar 2021 10:42:14 +0000

Gipuzkoa Encounter topaketa teknologikoak oso nota ona lortu du 15. edizioan, pandemiak ezarritako mugak gaindituz. 456 lagun aritu dira hiru egunotan lanpartyak eskainitako jarduera-arlo guztietan esku hartzen, eta parte-hartze oso handia izan da arte digital, programazio, hardware, bideo-joko eta zibersegurtasun arloetako 22 lehiaketetan. Euskaltel Fundazioko zuzendari eta bilkuraren koordinatzaile Sabino San Vicente oso pozik agertu da partyarekin, eskainitako edukiekin eta parte-hartzaileen inplikazioarekin, baita partaideen, babesleen eta antolakuntzaren arteko lankidetza bikainarekin ere.

Adimen artifizialean emandako aurrerapausoak, sare sozialen eragina eta bideo-jokoen erabilera segurua, Gipuzkoa Encounterren aztergai

press@euskalencounter.org (infotres) — Sat, 20 Mar 2021 15:55:10 +0000

Adimen artifizialean emandako aurrerapausoak, sare sozialen eragina edo bideo-jokoen erabilera segurua dira Gipuzkoa Encounterren elkartutako adituak aztertzen ari diren erronka teknologikoetako batzuk. Streaming bat modu egokian egiten eta musika digitala sortzen ikasteko gakoak ere ezagutarazi dituzte.

Antolatutako 12 hitzaldiak edonorentzat ikusgai izango dira, zuzenean, Euskal Encounterren Youtubeko eta Twitcheko kanalen bitartez, eta ikusgai geratuko dira topaketa amaitu ostean ikusi nahi dituztenentzat.

Gipuzkoa Encounter festa teknologikoa plazarik gabe geratu da bigarren edizio birtualean

press@euskalencounter.org (infotres) — Fri, 19 Mar 2021 16:20:14 +0000

Gipuzkoa Encounter festa teknologikoa plazarik gabe geratu da bigarren edizio birtualean. Izena eman duten ehunka lagunek egitarau zabalaz gozatu ahal izango dute, “party presentzialen ekintza kopuru oso antzekoa” izango baita, Euskaltel Fundazioaren arduradun eta ekimenaren koordinatzaile Sabino San Vicenteren esanetan.

2020an egindako lau online topaketetan ikasitakoa eta partyak digitalizatzeko garatutako tresnak azpimarratu ditu San Vicentek. Izan ere, horiei esker “aurrekoa baino hobea izango da aurtengo Gipuzkoa Encounter”. Guztira, bilkurak 456 teknologia zale elkartuko ditu igandera arte (martxoak 21), eta dozenaka ekintza, lehiaketa eta prestakuntza-hitzaldi eskainiko ditu informatikaren, programazioaren, sormen digitalaren eta bideo-jokoen arloetan.

Gipuzkoa Encounter birtualak teknologia-zaleentzako dozenaka ekintza eskainiko ditu bihartik aurrera

press@euskalencounter.org (infotres) — Thu, 18 Mar 2021 10:39:59 +0000

Ekimenaren 15. edizioa igandera arte gauzatuko da. Besteak beste, 22 lehiaketa eta 12 hitzaldi izango dira, eta azken horietako lau Twitch bidez eskainiko dira interesa duen edonorentzat.
Topaketa teknologikoak 456 plaza birtual izango ditu, Tolosako Usabal kiroldegiak (ohiko topalekuak) hartuko lukeen kopuru bera.
Gipuzkoa Encounter Euskaltel Fundazioak antolatu du, Tolosako Udalaren, Gipuzkoako Foru Aldundiaren eta Eusko Jaurlaritzaren (SPRI taldearen bidez) laguntzarekin

Gipuzkoa Encounterrek urteroko hitzorduari eutsiko dio, ehunka teknologia-zale biltzea espero duen lanparty birtualarekin

press@euskalencounter.org (infotres) — Thu, 11 Mar 2021 13:13:21 +0000

Gipuzkoa Encounterrek ez dio urteroko hitzorduari huts egingo eta, aurreko edizioan bezala, COVID-19aren aurka borrokatzeko hartutako neurrietara egokitu da online bilkura antolatuz. Lanparty presentzialen ohiko jarduera ludiko eta heziketa-saioak eskainiko ditu 15. Gipuzkoa Encounterrek, 19tik 21era bitartean, eta parte-hartzaile guztiak euren etxeetatik arituko dira.