Zorroratu ezpata, atera kartak, eta presta zaitez Hearthstonerekin gozatzeko. Karta-joko zirraragarria da, estrategia bidezkoa, ikasteko erraza eta ezin dibertigarriagoa. Hasi doako partida bat Battle.net-en, eta erabili zure kartarik onenak sorginkeriak egiteko, izakiei babesa eskatzeko eta Warcrafteko heroiei aginduak emateko, duelu epiko eta estrategikoetan.
Jokatzeko modua: Kanporaketa bakuna.
Bertsioa: PC. Erabilgarri dagoen azkena.
Berariazko araudia:
- Formatu estandarrean jokatuko da.
- Discord-eko txataren bidez,deituko zaie parte-hartzaileei ahalik eta lasterren hurrengo txanda jokatzeko. Dagokion partidarako jarritako ordutik hamar minutura iritsi ez den jokalaria deskalifikatua izango da.
- Debekatuta daukate jokalariek txata eta kanpoko zeinahi gailu erabiltzea partida jokatzen ari diren bitartean. Hori dela eta, "Ekinean" egoeran eduki behar dute kontua.
- Ezin izango dute piloa aldatu lehiaketan zehar.
- Jolasteko modua “Last hero standing” izango da:
- Parte-hartzaileek 4 motatako 4 pilo izan behar dituzte prest, eta mazoetako bat baneatuko da.
- Partida irabazteko, jokalariak aurkariaren 3 mazoak garaitu beharko ditu.
- Jokalari batek pilo batekin irabazten duenean, gorde egin beharko du bere karta-sorta.
- Galtzaileak, aldiz, beste karta-sorta erabili behar du.
- Last hero standing azalpen-bideoa:
Portaerari eta bertaratzeari buruzko araudia
- Taldeko kideek txat batean egon behar dute jokoa hasteko finkatutako ordua baino lehen.
- Bost minutu itxarongo da, gehienez.
- Debekatuta dago partida gelditzea aldez aurretik horren justifikaziorik eman gabe.
- Laguntza ematen duten programak, glitchak edo hackak erabiltzen dituzten parte-hartzaileak kanporatu egingo dira lehiaketatik.
- Ez da onartzen coachingik partidek irauten duten bitartean.
- Txatean ez da onartzen kirol-legearen kontrako portaerarik.
Oharrak:
- Ekitaldiaren intranetean argitaratuko da taldeei, halakorik bada, eta joko-ordutegiei buruzko informazioa.
- Erakundeak uste badu konfabulazio- edo itun-saioren bat izan dela, saria ez emateko eskubidea izango du.
- Kiroltasunez jardun behar dute jokalari guztiek lehiaketa osoan.
- Nolanahi dela ere, antolatzailearen erabakia arauen gainetik dago.
- Araudi orokorra du osagarri araudi honek.
